Специјалното јавно обвинителство поднесе 17 обвиненија за 18 случаи против 94 физички и правни лица, соопшти пред малку специјалната обвинителка Катица Јанева.
Притвор се бара и за најмоќните во политичката партија ВМРО-ДПМНЕ: Сашо Мијалков и Никола Груевски. Но и други лица од политичкиот врв: Елизабета Канческа Милевска, поранешна министерка за култура и за Владимир Пешевски, поранешен вицепремиер за економски прашањата, поранешниот генерален секретар на владата Кирил Божиновски, поранешниот шеф на кабинет на Груевски- Мартин Протуѓер, како и за градоначалникот на Гази Баба Тони Трајковски.
На прес-конференцијата во СЈО, материјалите од сите обвиненија беа ставени во купишта пакети, кои што уште денеска ќе бидат однесени во Кривичниот суд. Јанева кажа дека обвиненијата се резултат на 10-месечната работа на нејзиното обвинителство.
„Ниту 30 јуни, ниту 1 јули не менува ништо. СЈО ќе продолжи да работи“, кажа Јанева.
Предметите „Таргет“ и „Тврдина“ ќе бидат споени во еден.
За предметот „Талир“ нема обвинение со оглед дека СЈО немаше време поради истекот на мандатот за поднесување на обвиненија да поднесе обвинение, за незаконско финансирање и перење пари од раководството на ВМРО-ДПМНЕ.