Демонстранти, кои се приврзаници на Владата во Каракас, насилно влегоа во Парламентот на Венецуела И што повредија неколкумина пратеници и новинари. Голем дел од напаѓачите носат качулки. Облечени се во црвено (боја на владејачката партија) и речиси сите носат дрвени палки.
Според локални медиуми, најмалку четворица пратеници се потешко повредени.
Парламентот требаше денеска да има посебна седница по повод Денот на независноста.
Според локалните медиуми, се слушнале и неколку експлозии но засега не е познато од што се предизвикани.
Во Парламентот на Венецуела мнозинство има опозицијата.
Опозицијата во Венецуела планира да организира референдум кон крајот на месецов за контроверзниот план на претседателот Николас Мадуро да го промени Уставот преку новото Уставотворно собрание.
Денеска ново видео објави и пилотот Оскар Перез кој наводно пред неколку дена украл полициски хеликоптер и ја гранатирал палатата на Врховниот суд во Каракас. Во видеото Перез повикува да поддржи борбата за ослободување на неговата земја. Облечен во војничка униформа со знамето на Венецуела во позадина, Перез вели дека е подготвен за втора фаза за ослободување на државата од коруптивното владеење на претседателот Николас Мадуро и неговите сојузници.
https://www.youtube.com/watch?v=hwhnupzlijM