Опозициската ВМРО-ДПМНЕ денеска преку соопштение побара министерот за здравство, Арбен Таравари да си поднесе оставка поради двајцата гостиварци кои починаа од хеморагична треска – хантан.
„За само неколку дена поради негрижата на министерот за здравство Таравари однесе два човечки животи на возраст од 47 и 23 години. Оваа трагедија владата на Заев се обиде да ја заташка, македонската јавноста да не дознае. Директна одговорност за ова има министерот за здравство, Таравари бидејќи причината за немањето дијагноза за причинител од која починаа две лица, а 6 се во животна опасност е тоа што нема реагенс во институтот за јавно здравје, а пак причината за можност за големи ризици и нови загрозувања е фактот дека не воспоставиле карантин а биле должни да воспостават“, пишува во соопштението на ВМРО-ДПМНЕ.
Од партијата додаваат дека Таравари треба да се фати за работа и да го спречи ширењето на заразната болест.