Како тргнаа според резулати од квалификациите, така ја завршија и трката за Големата награда на Унгарија. Себастијан Фетел и Кими Раиконен му донесоа еден-два победа на Ферари на 11 станица во сезоната во Формула 1 шампионатот за оваа сезона.
Фетел ги потврди најбрзите остварувања од вчерашните квалификациски сесии и со време од 1:39:46,713 часа си обезбеди второ славје во кариерата на Хунгароринг, негово четврто во 2017 година. Притоа ја зголеми и предноста во однос на Луис Хамилтон во генералниот пласман на 14 бода пред летната пауза во „летечкиот циркус“. Германскиот пилот демонстрира сигурно возење што никој не успеа да го загрози од почеток до крај на трката.
Второто место, со заостанување од 0,908 секунди, го освои Финецот Кими Раикинен пред сонародникот Валтери Ботас и Луис Хамилтон од Мерцедес. Завршницата на трката донесе и џентлменски потег на Британецот кој му допушти на својот тимски колега да се искачи на подиумот. За време на трката Ботас му расчисти пат на Хамилтон да тргне во потера во двоецот на Ферари, па откако се обиде и не успеа реши да возврати за услугата.
Бодови во Унгарија освоија уште Ферстапен, Алонсо, Карлос Сајнц Јр., Перез, Окон и Вандорн.
Формула 1 шампионатот продолжува на 27 август со трка за ГН на Белгија.
Резултати од трката за ГН на Унгарија
Себастијан Фетел (Германија/Ферари) 1:39:46,713 часа
Кими Раиконен (Финска/Ферари) +0,908 сек.
Валтери Ботас (Финска/Мерцедес) +12,462 сек.
Луис Хамилтон (В. Британија/Мерцедес) +12,885 сек.
Макс Ферстапен (Холандија/Ред Бул) +13,276 сек.
Фернандо Алонсо (Бразил/Мекларен) +71,223 сек.
Карлос Сајнц Јр. (Шпанија/Торо Росо) +1 круг
Серхио Перез (Мексико/Форс Индија) +1 круг
Естебан Окон (Франција/Форс Индија) +1 круг
Стофел Вандорн (Белгија/Мекларен) +1 круг, итн.
Генерален пласман кај возачи
Себастијан Фетел (Германија) 202 бода
Луис Хамилтон (В. Британија) 188
Валтери Ботас (Финска) 169
Даниел Рикардо (Австралија) 117
Кими Раиконен (Финска) 116
Макс Ферстапен (Холандија) 67
Серхио Перез (Мексико) 56
Естебан Окон (Франција) 45
Карлос Сајнц Јр. (Шпанија) 35
Нико Хулкенберг (Германија) 26, итн.
Генерален пласман кај конструктори
Мерцедес 357 бода
Ферари 318
Ред Бул 184
Форс Индија Мерцедес 101
Вилијамс Мерцедес 41
Торо Росо 39
Хас Ферари 29
Рено 26
Мекларен Хонда 11
Заубер Ферари 5