Претседателот на САД Доналд Трамп ја потпиша резолуцијата со која се осудуваат белите супремацисти, неонацистите и другите групи кои поттикнуваат омраза, по протестите на десничарите во Шарлотсвил, Вирџинија, минатиот месец.
Во резолуцијата што ја усвои Конгресот, се повикуваат претседателот и администрацијата повикуваат да се изјаснат против оние групи кои заговараат расизам, антисемитизам и надмоќ на белците.
-Како Американци, го осудуваме неодамнешното насилство во Шарлотсвил и се спротивставуваме на омразата, нетрпеливоста и расизмот во сите облици, се наведува во соопштението на Трамп објавено по поптишувањето на резолуцијата.
Трамп резолуцијата ја потпиша неколку часа откако повтори дека имало „лоши луѓе“ на обете страни во протестите во Шарлотсвил, за време на кои избија нереди, а една жена загина откако еден од екстремните десничари по собирот на белите супремацисти со автомобил влета во групата противници на расизмот кои одржуваа контрамитинг.
После протестот, Трамп се најде на критики бидејќи одговорноста ја префрли на двете страни и не ги осуди директно расистите.