Кривичниот совет на одделението за организиран криминал и корупција при Основниот суд Скопје 1 – Скопје го одби барањето на лидерот на ВМРО-ДПМНЕ, Никола Груевски да му биде вратен пасошот, односно да бидат укинати мерките за претпазливост.
Груевски има забрана за издавање на нова патна исправа за преминување на државната граница и привремено му е одземен и дипломатскиот пасош.
Адвокатите на Груевски имаат право на жалба во рок од 3 дена до Апелацација.
Пасошите си ги побараа и поранешниот шеф на УБК, Сашо Мијалков и шефот на неговиот кабинет, Тони Јакимовски на кои исто така им се одземени пасошите.
Пасошот на Груевски му беше одземен на 3 јули со одлука на Основниот суд Скопје 1 на барање на СЈО за случајот „Титаник“, а мерката на претпазливост ја потврди и Апелациониот суд.