https://www.youtube.com/watch?v=v90yrcg6q9I
Хју Хефнер, чијшто магазин за мажи Плејбој го направи гламурозен урбаниот начин на живот и помогна да се поттикне сексуалната револуција од 1960-тите, почина на 91 година, од природна смрт, објавува Си-Ен-Ен, повикувајќи се на извори од компанијата на Хефнер.
Хефнер го основаше Плејбој во 1953 година со 600 долари од сопствени пари и го изгради списанието во мултимилионска империја за забава, која на врвот од 1970-тите вклучуваше телевизиски емисии, џез-фестивал и низа Плејбој клубови со коктел келнерки кои носеа зајачки уши и друга соодветна облека.
Со текот на годините, легендата за “Хеф” растеше со неговите плејбојски навики, се ожени со неколку “девојки ” од неговиот магазин и се приклучи на реални ТВ-шоуа со девојки помалку од една третина од својата возраст.
Некои критичари го отфрлија како остаток од сексистичка ера, особено во неговите подоцнежни години, кога Хефнер отворено зборуваше за неговите сексуални улоги со вијагра во замокот Плејбој. Но, многу луѓе му завидуваа на неговиот животен стил на адолесцентно-фантастичен живот, анализира Си-Ен-Ен.