Американскиот федерален судија на Хаваи ја блокира и последната верзија за забрана за влез во земјата само неколку часа пред таа да стапи на сила оваа мерка потпишана од претседателот на САД Доналд Трамп.
Окружниот судија Дерек Ватсон го одобри барањето на сојузната држава Хаваи привремено ја да го блокира спроведувањето на оваа мерка на забрана од страна на владата. Забраната требаше да стапи на сила на полноќ по американско време.
Според изменетиот указ на Трамп, со оваа мрка се погодени граѓаните на Чад, Иран, Либија, Северна Кореја, Сомалија, Сирија и Јемен, како и некои функционери од Венецуела и членовите на нивните семејства.
Хаваи се противат на одлуката и истакнуваат дека таа е продолжение на ветувањето на Трамп дека ќе ги исклучи муслиманите од САД.
Забраната се разгледува и во судовите во други федерални држави, како Мериленд, каде групите за заштита на граѓанските слободи бараа укинување на рестрикциите за издавање визи и за патување.
Белата куќа ја критикуваше одлуката на федералниот суд. Портпаролката на Белата куќа Сара Хакаби Сандерс изјави дека одлуката на судот од Хаваи ги „поткопува темелите на напорите на претседателот американскиот народ да биде безбеден и да воведе минимални безбедносни стандарди за влез во САД, пренесува Асошиетед прес.
Портпаролот на Министерството за правда најави дека ќе поднесе жалба.