Во Грција и денеска продолжува невремето, проследено со поројни дождови и силен ветар, претежно во региони во континенталниот дел од државата, јавија грчки медиуми.
Метеоролозите најавуваат дека бурата наречена „Зенон“ која доаѓа од Средоземното Море ноќеска ќе ја погоди Грција. Се очекува бурата да донесе нов бран поројни дождови и ветар како на почетокот на неделата, кога беа предизвикани катастрофални поплави крај Атина.
Во меѓувреме бројот на загинатите се искачи на 16 луѓе, откако пожарникарите пронајдоа тело на маж во подрум на една куќа во местото Неа Перамос.
Спасувачките акции продолжуваат затоа што уште неколку лица се водат за исчезнати, а метеоролозите најавуваат уште дождови.
Од вчера во Грција е тридневна жалост. Сите училишта во областа Атика се затворени.