Тајгер Вудс по десетти пат сво кариерата се враќа на голф терените и на турнирите од ПГА турот. По повеќе од два ипол месеца, Американецот се најави како учесник на Хироу Ворлд Челинџ, настан што ќе се одржи во Олбени, САД, од 30 ноември до 3 декември.
Вудс во последните неколку години има сериозни проблеми со нерв во грб што беше причина за четири хируршки зафати во последните три години. Непријатноста, се чини, е минато со оглед дека почна да прави целосно замавнувања од пред два месеца. Среќен е, како што вели, дека не чувствува болки иако мораше делумно да го менува начинот на удирање на топчето.
Првото повлекување од голферската сцена го имаше во 2003 година пришто и тогаш отсуствуваше два ипол месеца. На идентичен потег се решаваше и во 2006 година, во 2009 година, во 2010 година и уште пет пати потоа.
Сега се враќа како 1189 голфер во светот и допрва треба да се види колку овојпат ќе издржи 42 годишниот Американец.