Кривичниот совет на одделението за организиран криминал и корупција на Основниот суд Скопје 1, Скопје, вчера доцна попладне ги прифатил жалбите на Основното јавно обвинителство за гонење на кривични дела од областа на организираниот криминал и за тројца осомничени за упaдот во Собранието за кои беше определен куќен притвор одлучил да го преиначил решението и ги испратил во Истражниот затвор во Шуто Оризари, објави порталот Сведок.
– Кривичниот совет при Основниот суд Скопје 1 – Скопје постапувајќи по жалби поднесени од ОЈО за гонење организиран криминал и корупција, донесе решение со кое ги уважи жалбите на обвинителството и решенијата на судија на претходна постапка ги преиначи на начин што е уважен предлогот на ОЈО за гонење организиран криминал и корупција за определување мерка притвор и против осомничените М.П., Г.Ѓ. и Е.Д.Б., определена е мерка притвор во траење од 30 дена, а поради постоење на причините предвидени во чл.165 ст.1 т. 1 и 2 од ЗКП, соопштуваат од Основниот суд Скопје 1, соопштуваат од Судот за МИА.
Во текот на денешниот ден Кривичниот совет ќе одлучува по жалбите и за другите обвинети за кои ОЈО бара притвор, а се во куќен притвор, како и за жалбите на дел од притворените кои бараат да одат од Истражниот затвор во домашен притвор.
Во текот на вчерашниот ден беше определен притвор и за три лица кои беа најдени или сами се пријавиле, а се дел од групата од 36 осомничени за настаните од 27 април во Собранието.