На седмиот ден од расправата за буџетот за 2018 во Комисијата за финансирање и буџет, денеска заврши општиот претрес и продолжува амандманската расправа.
Во текот на амандманската расправа, досега се прифатени амандманите поднесен од ВМРО-ДПМНЕ, кој што се однесува на субвенционирање на печки за пелети и за ТИРЗ Куманово.
Васко Ковачевски, кој од претседателот на Парламентот Талат Џафери беше назначен да претседава до Комисијата, откако пратениците од ВМРО ДПМНЕ не се појавија неколку дена на закажаните сендици, за Мета изјави дека доколку завршта побрзо со разгледувањето на поднесените 279, тогаш може да завршат и побрзо од предвидениот рок, 10 работни дена.
-Не можам да предвидам како ќе оди, но можно е да завршиме и утре. И пратениците на Беса имаат поднесено амандмани, а тие се присутни на комисиската расправа, вели Ковачевски.
Министерот за финансии, Драган Тевдовски, денеска изјави дека „цврсто верува оти буџетот ќе се донесе“.
-За мене е важно што таму има дебата, а лично би бил среќен ако на Комисијата за финансирање и буџет се вклучи и опозицијата , вели Тевдовски.