ВМРО-ДПМНЕ вечер ќе го избира новиот Извршен комитет на партијата. Предходно ќе биде свикaн Централниот комитет кој треба да одлучи кој ќе членува во извршното тело на партијата.
Според најавите, во новиот Извршен комитет се очекува да влезат многу нови лица, а дел од постарите кадри да се повлечат.
Измените во партиското раководство доаѓаат во време кога ВМРО-ДПМНЕ не учествува работата на Собранието поради апсењето на триесетина лица за настаните од 27-ми април.
Покрај кадровските, опозициската партија најавува и статутарни промени во согласност со оние на европските народни партии. Се најавува и избор на повеќе потпретседатели, нешто што не беше случај во мандатот на Никола Груевски.
Никој од потписниците на отвореното писмото во ВМРОДПМНЕ кои бараа одлагање на последниот партиски конгрес, не се повикани на седницата на Централниот, потвриле за Телма Илија Димовски и Антонио Милошоски, кои беа меѓу потписниците на писмото со кое бараа одлагањ на Конгресот што се одржа минатиот месец и бараа промени во партијата.
Тие велат дека остануваат во ВМРОДПМНЕ но дека не се точни тврдењата на новиот претседател на партијата Христијан Мицкоски за отворена прегратка и подадена рака за сите во партијата.
На писмото покрај Димовски и Милошоски се потпишаа уште триесетина други членови на ВМРОДПМНЕ, меѓу кои и поистакнати членови како Трајко Вељаноски и Борис Змејковски.