Најавениот протест на синдикатот за образование и наука закажан за во среда е чиста манипулација за нашата фела, обвинува Синдикатот на Наставничкиот пленум.
Оттаму велат дека нема да дадат поддршка на СОНК кој најави дека пред Министерството за образование на 17 јануари ќе бара повисоки плати за просветните работници.
„Баравме, бараме и ќе бараме унапредување на положбата на наставниците. Но, не со СОНК! Не за личните интереси на рака луѓе во неговата врхушка. Барањата со кои сега излегува СОНК се легитимни. Но, СОНК, особено неговото раководство – не е! Тие луѓе, таа организација, ја потрошија целата наша доверба, целото наше трпение, ни го поткопаа достоинството, ни ја загрозија егзистенцијата!, а требаше да ги штитат и унапредуваат“- велат од Синдикатот на наставничкиот пленум.