Планинарското друштво „Трансверзалец“ доставило информации до институциите во врска со загинувањето на планинарите Калина Велевска и Александар Миновски минатиот викенд на Кајмакчалан.
На својата Фејсбук страна, планинарското друштво напиша дека со изјава ќе излезе во петок по завршувањето на истрагата и објавувањето на извештајот.
За овој трагичен случај, Федерацијата на планинарски спортови на Македонија соопшти дека формирале посебна комисија од нивни членови и експерти која ќе ги анализира околностите под кои загинаа двајцата планинари.
Претходно, семејствата на загинатите преку писмо изразија сомневање во професионалноста на организаторите на турата и бараат одговорност.
Калина и Александар загинаа при искачување на планината Кајмакчалан изминатиот викенд. Тие ќе бидат погребани денеска.
Кога одговорноста и безбедноста на планините ќе бидат земени сериозно