Федерацијата на планинарски спортови на Македонија оформи специјална комисија, составена од нивни членови и екперти кои ќе ги анализираат околностите под кои загинаа двајцата планинари, Калина Велевска и Александар Миновски изминатиот викенд на планината Кајмакчалан.
Оваа Комисија ги чека сите релевантни податоци од надлежните институции во Македонија и Грција, како и официјалните податоци од организаторот на планинарската експедиција.
-Во меѓувреме сакаме да се воздржиме од шпекулации и дезинформации за настанот, затоа што ваквите настани заслужуваат темелна и длабока анализа во соработка со сите надлежни институции, се вели во соопштението на Федерацијата на планинарски спортови на Македонија.
Вчера семејствата на двајцата загинати планинари, преку писмо во јавноста реагираа откако планинарското друштво „Трансверзалец“ побара од сите планинари да се воздржат од изјави и да ја коментираат трагедијата.
Семејствата на загинатите се сомневаат во професионалноста на организаторите на турата и бараат одговорност.
Кога одговорноста и безбедноста на планините ќе бидат земени сериозно