-За да изградиме општество еднакво за сите, потребно е секој ден да се бориме за унапредување на родовата еднаквост и кршењето на традиционалните родови улоги. Во таа борба, образованието е клучната алатка за промовирање целосна рамноправност помеѓу жените и мажите и за искоренувањето на стереотипите, се вели во осмомартовската порака од министерката за образование Рената Дескоска до наставничките и професорките.
-На секој Ваш час, при секој контакт со учениците имајте на ум дека Вие имате голема улога во формирањето и обликувањето на ставовите кај младите, ставови кои подоцна стануваат дел од нив како возрасни. Наша заедничка одговорност е да ги пренесуваме заложбите за еднаквост и недискриминација низ секоја наставна содржина. Ве повикувам активно да придонесувате за градење систем кој ќе ги поддржува ученичките во нивното развивање како нови лидерки во општеството, се вели во пораката.