Секинескиот народен конгрес едногласно го поддржа реизборот на Си Џинпинг за претседател на Кина, а тој, исто така, повторно е избран и на должноста претседател на Централниот воен совет. Ниту еден од 2.970 делегати не гласаше „против“ или „воздржано“
„Се колнам дека ќе работам за изградба на голема социјалистичка модерна земја“, изјави 64-годишниот Џинпинг.
Минатата недела Секинескиот народен конгрес изгласа измена на Уставот, со која му се овозможи на Џинпинг да биде доживотен шеф на државата. Пред ваквата измена, тој имаше право да биде избран за претседател во два мандати. Џинпинг беше избран во 2013 година за претседател на Кина.
За потпретседател на Кина е избран Ванг Цишн, близок соработник на Си и поранешен секретар на Централната комисија за проверка на дисциплината, која е главно тело на кинеските власти за борба против корупцијата.