Мари Ле Пен, претседателка на француската ултра десничарска партија „Национален фронт“ што нејзиниот татко ја формираше пред 50 години, соопшти дека политичкиот субјект се преименува и во иднина ќе делува како „Национален собир“.
Уште на Конгресот во март таа најави промена на името на партијата и преку мејл се обрати до членството со барање за поддршка на предложеното ново име.
Жан-Мари Ле Пен (89), основач на партијата и татко на Марин, изрази огорченост по најавата за смена на името на партијата што го оцени како „предавство“ и „најсуров удар што Националниот фронт некогаш го добил“.
Тој оцени дека ништо добро не може да произлезе од „срамното бришење на идентитетот на партијата“.
По поразот на претседателските избори, Мари Ле Пен работеше на отстранување на антирасистичките и антисемитски обележја на партијата. При најавата за смена на името, таа рече дека сака на партијата да се гледа како можна владејачка сила, а не само како протестно движење. Во тој контакст таа и формално ги прекина сите врски со основачот на партијата и на својот татко му ја одзеде почесната титула – доживотен претседател.