Над 440 лица се повредени минатата ноќ при судир на романската полиција и антивладини демонстранти на протестот во Букурешт, што гo организираа Романци кои живеат во странство.
До судирите дојде кога дел од учесниците на протестите се обидоа да го пробијат полицискиот кордон пред зградата на романската Влада, каде што се одржуваше протестот.
Демонстрантите фрлале со пластични шишиња и со бетонски плочи, а полицијата возвратила со солзавец, а употребила дури и водени топови за разбивање на демонстрантите. 100 демонстранти побарале медицинска помош, а 10 полицајци се повредени.
Романскиот претседател Клаус Јоханес, остро ја осуди „бруталната интервенција на полицијата“ за разбивање на демонстрантите. Дел од медиумите објавија дека на протестите имало од 30.000 до 50.000 лица.
Демонстрантите носеа романски и знамиња на Европската унија и извикуваа „Правда, а не корупција“. Во јули романскиот претседател, под силен притисок од владеачката партија го потпиша разрешувањето на обвинителката Лаура Ковеши која ги водеше главните истраги за корупција на поранешни и актуелни политичари.
Освен во Букурешт, антивладини демонстрации се одржаа и во други романски градови.