Published: Thursday, November 1, 2018 21:27
Виетнам ќе организира трка во Формула 1 шампионатот во 2020 година. Најавата од изминатиот период доби потврди денеска, откако челниците на групацијата „Либерти“ успеаја да постигнат договор со властите во Ханој иако добар дел од делницата сè уште не е изграден.
Трката е замислена како улична и ќе се вози низ Ханој. Како што објасни Чарли Витинг, директор на Формула 1, деловите од патеката на улиците ќе се користат за сообраќај по завршување на Големата награда на Виетнам.
Патеката во Ханој е прва што влегува Формула 1 календарот по преземање на организација на натпреварувањето на „Либерти Груп“ во 2017 година.
За наредната недела е најавен и специјален настан за промоција на ГН на Виетнам што е планирана да се вози во април во 2020 година.