По големиот хаос што настана во Буенос Аирес, реванш мечот во финалето во Копа Либертадорес меѓу Ривер Плата и Бока Јуниорс синоќа беше одложен поради јасниот став на гостинските играчи да не излезат на терен. Нивниот автобус беше нападнат пат кон стадионот „Монументал“ од навивачи на Ривер Плата пришто неколку гостински фудбалери се здобија со повредени. Еден од најсериозно погодените е Карлос Тевез додека капетанот Пабло Перез заврши во болница на интервенција за отстранување на стакло од лицето.
Хаосот во Буенос Аирес не запира ниту денеска. Низ улиците во градот е како болно поле. Натпреварот е презакажан за вечерва (21 ч.), но постои можност за ново пролонгирање на финалето. Властите во меѓувреме ставија клуч на стадионот на Ривер Плата, а локалната полиција не е во состојба да гарантира безбедност. За одржување на јавниот ред и мир синоќа беа ангажирани околу 2.000 полициски службеници, бројка што, сепак, се покажа недоволна за справување со насилството поттикнато од локалните навивачи.
Со цел да се избегне одлука за затворање на стадионот, раководството на Ривер Плата мора да се појави пред Рикардо Раул Педејс, директор на владината агенција за контрола на градот и да платат парична казна, во спротивно натпреварот нема да се игра.