Со давање исказ на владиката Пимен Илиевски, предложен како сведок од обвинетиот Богдан Илиевски-Бетмен, во Кривичниот суд почна денешното рочиште за настаните од 27 април минатата година во Собранието на Република Македонија
Обвинетиот Александар Василевски Нинџа го праша владиката Пимен, која била причината неговото духовно чедо Богдан Илиевски Бетмен да се сврти за како што рече „360 степени во 2015 година“ и од слободен колумнист да почне да ја подржува десноориентираната партија ВМРО ДПМНЕ?
Отец Пимен рече дека нема да одговори и се повика на обврската која ја имал како отец.
-„Наша обврска е како свештенство интимните исповеди да останат меѓу духовните чеда и отецот“, рече владиката Пимен.
Тој беше повикан во судот како сведок на обвинетиот Илиевски еден од водачите на протестите „За заедничка Македонија“.
Отец Пимен сведочеше дека Илиевски не се водел од желбата за насилно завршување на протестите и бил ,,разочаран што работите излегле ид контрола“.
Тие се сретнале и на 28 ноември кога Бетмен му кажал дека сака протестите да продолжат за да го врател угледот на движењето.
На денешното рочиште треба да сведочат и Ивона Опетческа-Татарческа, Методија Илиевски и Томислав Јовановски, сите предложени од обвинетиот Илиевски.
Денеска требеше да сведочи и Сотир Костов, кој бил спречен заради болест, поради што бранителот на Илиевски, адвокатот Сашко Дуковски го повлече сведокот.