Силно невреме со пороен дожд и бура ноќеска ги зафатија Истра и Кварнер, а за само два часа биле регистрирани дури 8.000 молњи.
„Приближувањето на бурата од Италија го поттикна развојот на нови громови врз морето од северен Јадран, а потоа и формирање компактна линија на бурата. Линијата од громови бавно се приближуваше до брегот, па затоа наутичарите имаа неколку часа да се засолнат на сигурно, наведоа од истарскиот метео портал „Истрамет“.
За цело време дувал силен ветар, на места со јачина и до 86 километри на час, наведе Хина.
На одделни места врнеше и пороен дожд, па така во Умаг и Новиград наврнаа дури 32 мм., а станицата во Пореч регистрира 15 мм., во центарот на Пула имаше 13 мм. дожд, додека темературата во цела Истра се намали за пет степени.
Сето ова, наведуваат од „Истрамет“, беше само вовед во промената на времето кое доаѓа токму денеска, а кое својот врв ќе го достигне кон средината на следната недела , за кога се очекуват поројни локани врнежи од дожд, силно невреме и обилни грмотевици.