Свесни сме дека платите во образованието се мали, но толкави се капацитетите на државата – изјави премиерот Зоран Заев, по најавите од Синдикатот за образование, наука и култура (СОНК) дека на 11 ноември ќе штрајкуваат и дека не го прифаќаат најавеното зголемување на платите од 10 отсто во април следната година.
„Јас ги почитувам работничките права. Правиме максимални напори, ако се откажат од тие 10 отсто, а тешко ги наоѓаме парите, ќе видиме што ќе направиме. Свесни сме дека се ниски платите во образованието, но капацитетите на државата се тие. Двапати веќе ги зголемивме платите во образованието од по 5 отсто и зборуваме од 1 април за ново покачување од 10 отсто“- рече Заев.
Тој испрати порака на разбирање до СОНК
-Сакам да испратам порака на разбирање, заради тоа што навистина ние сме свесни дека се ниски платите во образовниот процес. Правиме паралели и со соседството, но дефинитивно капацитетите на државата се токму тие. Апелирам до СОНК и сите синдикати за разумност во преговорите и за изнаоѓање решение. Ќе го мотивирам министерот да продолжи да разговара. Тој е пријател со СОНК, затоа што таму се нашите учотели, наставници, професори…верувам дека ќе се наде заемо прифатливо решение, рече Заев.
Тој апелира до СОНК на разумност и разбирање.
„Апелирам до СОНК за разумност. Верувам дека ќе изнајдеме заемно прифатливо решение – порача Заев.
Советот на СОНК денеска едногласно донесе одлука дека не го прифаќа предлогот на МОН и Владата за зголемување на платите во дејноста образование и наука за 10 отсто, почнувајќи од април 2020 година.
Претседателот на СОНК Јаким Неделков на денешната прес-конференција рече дека своите интереси ќе ги бранат со штрајк што ќе се одржи на 11 ноември кога нема да има настава во основните, средните и високообразовните институции.
СОНК најави штрајк за 11 ноември-не прифаќа покачување на платите од 10 отсто
Наставниците штрајкуваа на првиот ден од учебната година незадоволни од покачувањето на платите за 5 проценти. По разговорите со министерот за образование беше договорено платите да се покачат за 10 проценти.