Издавачката куќа „Или-Или“ за вечерва од 20 часот во клуб ресторанот на МКЦ ја закажа промоцијата на збирката разкази „Приказни на тивок оган“ потпишана од Светлана Камџијаш која предава филозофија, естетика и етика на Педагошкиот факултет во Скопје.
Резензетот Гоце Смилевски истакнува дека расказите се создадени длабока мисла, широка емоција, висока ерудиција и напишани во буен стил и прецизна структура.
„Авторката пишува со онаа тешко остварлива виртуозност која подразбира флуидно раскажување што е најтешко за изкажување. Во тоа искажување што најчесто останува обвиено во молкот, Светлана Камџијаш тргнува од детаљот и стигнува до сепроникнувачка целина, започнува со мигот и го опфажа животот. Во нејзините раскази како да се вткаени сите уметности“, потенцира Смилевски.
„Приказни на тивок оган“ е 178 книга во едицијата „ПРОаЗА“ на издавачката куќа „Или-Или“. Промоцијата е доверена на Соња Стојменска Елзесер и Ѓоко Здравевски додека извадоци од расказите ќе чита актерката Ана Костовска. Камџијаш досега објави неколку книги од областа на филозофијата – „Ведите и Упанишадите – сликата на светот“, „Крајната слобода во филозофијата веданта“, „Од брегот на реката Ганг“ и „Шест Упанишади“, но и две поетски книги – „Чекори во летот“ и „Небо-индиго“.