Најмалку 30 лица загинаа, а преку 3.300 се повредени и исчезнати во стравичната експлозија во либанскиот главен град Бејрут. Причините за катаклизмичната глетка се непознати.
Силна експлозија го затресе цел Бејрут попладнево што предизвика паника и страв во градот, но и пошироко. Според снимките што се споделуваат на социјалните мрежи, во пристаништето во престолнината на Либан најпрво се видел светол дим за неколку моменти подоцна да одекне силна експлозија што се почувствувала и во 240 километри одалечениот Кипар.
Либанскиот министер за здравство Хамад Хасан на прес-конференција пред пола час изјави дека најмалку 25 лица го загубиле животот, а преку 2.500 се повредени. Во експлозијата, според тамошните медиуми, загинал и лидерот на политичката партија Катаеб, Назар Наранијан кој во моментот на несреќата бил во својата канцелација, но набрзо им подлегнал на тешките повреди.
Експлозијата наводно се почувствувала и на места што се оддалечени и до 250 километри од Бејрут, а Европско-медитеранскиот сеизмолошки центар јавува за дојави и од луѓе на Кипар.
Либанската новинаска агенција ННА пишува дека експлозијата предизвикала тешки оштетувања на претседателската палата. „Си-Ен-Ен“, пак, јавува дека најмалку 400 лица се превезени во болница. Околности и детали од стравичната експлозција не се познати. Светските медиуми пишуваат за искршени стакла на прозорци на зградите, на продавниците, а паѓале и цели балкони.
Она што засега е познато е дека експлозијата се случила на градското пристаниште во кое се наоѓале складишта со експлозивни компоненти и материјали, јави либанската новинаска агенција ННА. Друг, пак, извор наведува дека во пристанишните складишта имало хемикалии.
„Зградите се тресат“, твитна жител на Бејрут кој додаде дека сите стакла на прозорците во станот едноставно „експлодирале“
„Видов огнена топка и чад над Бејрут. Луѓето врскаа и трчаа, крвареа. Има згради што останаа без балкони“, напиша очевидец на социјалните мрежи.