На ураганот „Лора“, кој се приближува кон брегот на Тексас со брзина од над 200 километри на час, е на праг на мине од категорија 4 во категорија 5 што е највисоко ниво според на Националниот центар за урагани на САД. Невремето, според експертите, би можело да биде најсилното досега што ги погодило крајбрежните области на Тексас и на Луизијана.
Ураганот „Лора“, кој метеоролозите го нарекоа „смртоносна катастрофа“, се очекува да стигне до американското копно и да предизвика катастрофално уништување. Синоќа се наоѓал на околу 145 километри југоисточно од Порт Артур, Тексас, а се проценува дека првиот контакт со континенталниот дел на САД ќе биде проследен со ветрови со брзина до 240 километри на час, но дека подоцна, во внатрешноста на соседната држава Луизијана, ќе достигне брзина од дури 320 километри на час.
Од вчера попладне, Порт Артур е град со само неколку отворени бензински пумпи и продавници за алкохол. Локалните власти стравуваат од поплави и потсетуваат дека местото на очекуваниот удар на ураганот на континенталниот дел на САД, по должината на границата Тексас-Луизијана, не е заштитено со бариера.