Има голема неизвесност во Бугарија по изборите кои се случија на почетокот на месецот. Бугарскиот претседател Румен Радев денес го предаде мандатот за формирање на влада на десната ГЕРБ (Граѓани за Европски Развој на Бугарија). Но овој пат кандидатот за премиер на партијата не е Бојко Борисов туку на Даниел Митов, политичар кој беше поранешен министер за надворешни работи на Бугарија.
ГЕРБ располага со 75 пратеници што не е доволно за мнозинство од 121 пратеник во бугарскиот парламент што е потребно за да се формира влада. Партијата на Слави Трифонов „Има таков народ“ која располага со 51 пратеник може да е единствен потенцијален коалиционен партнер на ГЕРБ. Потпретседателот на „Има таков народ“, Тошко Јорданов исто така изјави дека неговата партија не сака да формира коалиција ни со Бугарската социјалистичка партија (БСП) која освои 43 пратеници, ниту пак со „Движење за права и слободи“ (ДПС), партијата најчесто асоцирана со етничките Турци, која освои 30 пратеници. Но лидерката на БПС, Корнелија Нинова изјави дека нејзината партија е спремна да формира коалиција со „Има таков народ“, а потенцираше дека БПС не би поддржал мандат на ГЕРБ.
Сепак, Јорданов кажа дека партијата „Има таков народ“ е спремна да формира коалиција само со десната „Демократска Бугарија“ или на „Исправи се! Мафија надвор!“, партијата која се формираше по протестите против владата на ГЕРБ во летото, 2020.
„Ние не сакаме да влеземе во коалиција со некоја од партиите на статус квото. Ако воопшто успееме да формираме кабинет, тоа би било со некоја од партиите кои се формираа за време на протестите,“ рече Јорданов. „Кога мандатот ќе стигне до нас, јас ќе ви дадам одговор. Не можеме од напред да кажеме што ќе се случи,“ додаде Јорданов, потенцијално имплицирајќи дека мисли дека ГЕРБ нема да може да формира коалиција.
„ГЕРБ ја покажа својата спремност за формирање влада. Вие, пратениците, ќе кажете дали тоа навистина ќе се случи,“ изјави претседателот Радев.
„Постои опција да го вратиме мандатот, ние не сакаме да губиме време. Правилно е да имаме функционална влада што е можно побрзо,“ каже вице-премиерот Томислав Дончев од ГЕРБ.
Иако процесот за формирање на нова бугарска влада изгледа дека можно е да трае подолго време, претседателот Радев нагласи дека мора да се почитува уставот. „Претседателот не може да биде архитектот на идната коалиција и влада. Не сакам да ја инволвирам институцијата на претседателот на било каков начин. Формирањето на владата е комплетна одговорност на парламентот и на партиите кои се дел од истиот. За сега мојата улога е да обезбедам платформа за дијалог,“ кажа Радев, нагласувајќи дека е владата има многу важна улога во менаџирањето на бугарската држава особено во време на пандемијата и моменталната социо-економска криза.
Елена Гаговска