Сѐ уште многу малку се знае за руската разузнавачка агенција ГРУ, иако се смета дека оваа малку позната организација има играно важна улога во немирите во Украина, како и неуспешната претседателска кампања на Хилари Клинтон. Кратенката за агенцијата значи „Главна управа за разузнавање“ и постои уште од времето на Советскиот Сојуз. На многу луѓе – особено тие кои живееле за времето на Студената Војна – им е позната друга руска разузнавачка агенција КГБ (Комитет за државна безбедност). Со падот на Советскиот Сојуз во 1991, оваа агенција практично колабираше заедно со сојузот, но истото не важи за ГРУ.
Сепак историјата на оваа агенција почнува пред повеќе од сто години. Иако Русија имаше воена разознавачка агенција која беше основана за време на наполеонските војни која постоеше повеќе од 200 години, таа се промени на почетокот на 20тиот век. По Руската револуција во 1917 година, воената разознавачка агенција беше реорганизирана и стана позната како ГРУ во 1942 година. Односно, ГРУ стана важна организација во екот на Втората светска војна, кога таа имаше за задача да собира разознавачки информации во странство за Германија и нејзините сојузници. За време на Студената војна, еден од забележителни рани успеси на ГРУ беше да навлезе во програмата на атомските бомби во Велика Британија.
ГРУ е сѐ уште активна агенција во 21виот век, но не е до крај јасно како таа оперира. На пример, ГРУ (која сега е ребрендирана како ГУ) нема своја веб страна туку само накратко се споменува нејзината улога како агенција за надворешно разузнавање на веб страницата на руското Министерство за одбрана. Толку голема е тајноста што го опкружува ГРУ, што кога нејзиниот поранешен директор, Игор Сергун, ненадејно почина во 2016 година, Кремљ (руската влада) не даде причина или место за смртта во првичното соопштение. Сегрун исто така беше ставен на листи на ЕУ и американски санкции заради неговата инволвираност во припојувањето на украинската територија Крим од страна на Руската Федерација – политички потег кој меѓународната јавност генерално го смета за нелегална окупација од страна на Русија. Се смета дека ГРУ агенти се сѐ уште инволвирани во Украина и во Сирија – две држави кои на некој начин претставуваат територии на нов вид Студена Војна помеѓу големите сили.
Во октомври, 2020, Министерството за правда во САД обвини 6 ГРУ агенти за сајбер напади. Две години порано, британската влада сметаше дека ГРУ всушност била агенцијата која стоела позади нападот со нервен агент врз поранешниот ГРУ агент Сергеј Скрипал и неговата ќерка Јулија во Сализбури октомври, 2018.
И покрај многуте тајни елементи на ГРУ, агенцијата е повторно во центарот на внимание оваа недела од кога истрага во Чешка ги поврза двата агенти кои беа обвините во Сализбури со смртоносната експлозија од октомври, 2014 во селото Врбетице каде умреа двајца луѓе. Радио Слободна Европа известува дека чешкиот премиер Андреј Бабиш избрка 18 руски дипломати од земјата „недвосмислени докази“ околу руска инволвираност во нападот од 2014. Русија смета дека обвинувањата од страна на Чешка се „апсурдни“ и Како реакција на бркањето на руските дипломати, Русија избрка 20 чешки дипломати од земјата.
Така што иако официјално не се знае премногу за ГРУ, очигледно оваа агенција сѐ уште има важна улога во руската надворешна политика на извесен начин.
Елена Гаговска