Бројот на заразени од коронавирус во светот надмина 173 милиони лица, покажуваат денешните податоци на вашингтонскиот сајт worldometers.info. Досега оздравеле околу 156 милиони пациенти, а починале 3,71 милион.
Како активни случаи се водат 13,51 милиони лица од кои 99,3 отсто или 13,42 милиони имаат поблаг или среден облик на коронавирус, додека во критична состојба се околу 89.000 лица.
Најмногу инфицирани случаи се регистрирани во САД – над 34 милиони, потоа во Индија – 28,6 милиони и Бразил со 16,8 милиони. Бројот на починати од ковид-19 е најголем во САД – 611.639, потоа во Бразил (469.784) и во Индија (341.450).
Пандемијата забележа значителен пад оваа недела во Азија (-28 проценти) и во Европа (-13 проценти). Најголем пад е забележан во Шведска (-36 проценти, нови 1.200 случаи на ден), потоа во Непал (-35 проценти, 5.000 случаи на ден), Индија (-35 проценти, 153.300), Бахреин (-32 проценти, 2.200), Италија -31 процент, 2700), Украина (-30 проценти, 2300) и Јапонија (-29 проценти, 3200).
Светот забележа пад на дневниот биланс на смртни случаи (-5 проценти, 11.165 на ден).