ВМРО ДПМНЕ која е синоним за поделби во државата не може да биде партија на сите граѓани како што сега сакаат да се претстават, порача Венко Филипче министер за здравство и потпретседател на СДСМ, денеска на граѓанската трибина во Гостивар.
„Изминатиов период слушаме дека ќе се ребрендирале, ВМРО ДПМНЕ ќе била партија за сите граѓани. Уште една голема лага, не може ВМРО ДПМНЕ да е партија за сите граѓани кога се тие синоним на поделба. Ги делат лекарите на наши и ваши. Ги делат граѓаните на патриоти и предавници. Не почитувани граѓани, волкот го менува влакното ама карактерот не го менува“, рече Филипче.
Филипче, истакна дека СДСМ е партија која го слуша гласот на граѓаните и владее одговорно, за разлика од ВМРО ДПМНЕ партија која промовира насилство и штити криминал.
„Изборот е јасен на една страна нашето договорно транспарентно работење. Не ги носиме секогаш правилните одлуки, ама знаеме да го слушнеме гласот на граѓаните, да ретерираме и одлуките да ги смениме. Така се владее државнички и одговорно. На другата страна е ВМРО, партијата која штити криминалци и која прмовира насилство, со таква партија нема иднина“, рече потпретседателот на СДСМ.