Јавното претпријатие Водовод и канализација – Скопје апелира до скопјани рационално и внимателно да ја користат водата во деновите со екстремно високи температури. Особено да се избегнува непотребно трошење на водата за полевање бавчи и ниви.
Врз основа на податоците на Управата за хидрометеоролошки работи од каде се најавуваат високи температури кои деновиве ќе достигнат и над 40 °C, како и податоците на ЈП Водовод и канализација – Скопје за зголемена потрошувачка на водата, апелираме до граѓаните на градот Скопје за рационално користење и употреба на водата, односно да се избегнува полевање поголеми површини и непотребно трошење на водата за време на топлите денови, соопштија денеска од ЈП Водовод и канализација – Скопје.
Во врска со тоа колку дневно се троши вода во Скопје, од ова претпријатие за НоваТВ со одговор дека зголемената потрошувачка во деновите со високи температури достигнува и над 300.000 метри кубни дневно.
– Просечна потрoшувачка на вода во зима, во месеците од јануари до март, на пример, изнесува просечно 260.000 метри кубни дневно – додаваат од ЈП Водовод и канализација – Скопје.
Оттаму нагласуваат дека немаат ингеренции за изрекување на казни во однос на нерационално трошење на водата за наводнување на зелените површини и дека за тоа се надлежни комуналните инспектори.