Денеска караванот ,,Млади локално заедно” беше со младите од ЛК СДММ Куманово од каде произлегоа доста предлози и идеи од младите луѓе во овој град, а се направи и осврт на она што досега е сработено и се дадоа најави за плановите за периодот што следи, информираат од СДСМ кои беа во Куманово за да ги слушнат забелешки, идеи, предлози и за креирање заеднички решенија за проблемите со кои се соочуваат кумановчани.
– Куманово најдобро го познавате вие како граѓани на овој град и затоа од круцијална важност е она што вие мислите: во кој правец би требало да функционираат работите? Млади сме и надежни, но исто толку сме и смели и решени да го направиме подвигот за промена, зашто знаеме што е најдоброто за нашите општини и државата како целина. Ако досега успеавме да се избориме за изгласување на Закон за млади, за воведување мерки за субвенциониран студентски оброк, за покачување на студентските стипендии, повеќе од јасно е дека ќе успееме и во се’ она што допрва ќе го осмислиме и ќе го ставиме на хартија како проект на СДММ кој треба да се реализира, рече пред младите претседателот на СДММ, Марко Михаилоски.