Словенечките пожарникари кои во огромна мера придонесоа за гаснењето на пожарите низ Македонија, а најмногу во малешевијата, вчера беа испратени со трубачи и аплаузи од страна на беровчани, објави телевизијата 24 Вести.
Пожарникарите утрово заминаа од Берово и ги поздравија со звучна сигнализација беровчани.во чест на нив кои неуморно се бореа со огнените јазици кои ја зафатија претходните денови малешевијата, им беа доделени благодарници од страна на градоначалникот.
Доброволното пожарникарско друштво „Толмин” од Словенија донираше лична пожарникарска опрема на своите колеги од територијалната противпожарна бригада од Берово.
Од земјава си заминаа и пожарникарите од Австрија кои, како што објавува 21.TV , создадоа цел град за справување со пожарите.
Поради уморот, австријските пожарникари беа и сменети од свои колеги, а тоа се случи преку ноќ со посебен чартер лет.
Овие снимки засекогаш ќе останат во сеќавање на жителите од Пехчево, како најголема закана за жителите во изминатите 100 години.
А малиот подарок, добиен од најмалите жители на Пехчево, ќе ги потсетува Австријците за неуморната борба и помошта на Македонија, за која ние треба никако да заборавиме.