Акциски контроли на МВР: Казни и исклучувања од сообраќај за 102 пијани возачи

Синоќа во периодот од 22 од 04 часот беше спроведена акциска контрола за санкционирање на возачи кои управуваат возила под дејство на алкохол на територијата на Република Северна Македонија, при што се санкционирани 102 лица.

Како што соопштија денеска од МВР, од нив најмногу биле на подрачјата на СВР Скопје – 25, СВР Битола – 19 и СВР Куманово – 14 возачи.

Засилените акциски контроли продолжуваат и во наредните денови, најавија од МВР и апелираат до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.