Published: Friday, October 29, 2021 09:49
Кандидатката на ВМРО-ДПМНЕ е иста како и нејзината партија. Затоа, в недела на 31 октомври да се обединиме и да гласаме за напредокот, за број 12, за Петре Шилегов.
Данела Арсовска ги лаже граѓаните. Нејзиниот обид да креира лажна слика околу себе пропадна. Не е важно како Данела, кандидатката на Груевски се чувствува, Северна Македонија е татковина за сите, соопштија денеска од СДСМ.
Ваквиот неискрен и нечесен пристап на Данела Арсовска кон граѓаните е проблем.
Ако Данела лаже и го крие нејзиното бугарско државјанство, не може ниту да се замисли што се друго крие и лаже.
Вчера граѓаните сведочеа на нови докази поврзани со овој скандал, со овој сплет на лаги на Арсовска.
Не само Арсовска, туку целото нејзино семејство поседува бугарско државјанство.
И нејзиниот сопруг, Ангел Арсовски има Удостоверение издадено во 2010 година, но и бугарска лична карта, како и Данела.
Валидноста на објавените документи лесно се потврдува преку официјалната интернет страница на Министерство за внатрешни работи на Република Бугарија.
Данела Арсовска со лаги ја започна кандидатурата, со лаги тераше кампања, со лаги ја завршува.
Се обиде да ги излаже скопјани со наводна независност, кога сите имаа можност да видат дека целото режимско ВМРО-ДПМНЕ стои зад неа.
Лагите кои ги пласираше пред граѓаните кандидатката на ВМРО-ДПМНЕ отвораат многу сериозни прашања.
Очигледно е дека Арсовска е зависна од други држави, за мотиви и намери кои таа лично треба да им ги соопшти на граѓаните.
Кандидатката на ВМРО-ДПМНЕ е иста како и нејзината партија.
Затоа, во недела на 31 октомври да се обединиме и да гласаме за напредокот, за број 12, за Петре Шилегов, додаваат од СДСМ.