Published: Thursday, November 11, 2021 07:41
Европската Комисија (EK) денеска ќе ги објави есенските макроекономски прогнози за земјите членки на Европската Унија (ЕУ) и државите кандидати, меѓу кои и за Северна Македонија.
Економските предвидување на ЕК за Северна Македонија – есен 2021, на средба со новинарите претпладнево во Скопје ќе ги презентира Фрек Јанмаат, шеф на економскиот оддел во Делегацијата на Европската Унија во земјава.
Европската комисија ги објавува макроекономските прогнози за ЕУ, нејзините членки и земјите кандидати четири пати годишно, на пролет, лето, есен и зима.