Фотографиите беа дистрибуирани само неколку дена пред предвремените општи избори кои се одржуваат утре, на 14. ноември. Партијата на Борисов ГЕРБ, која владее со земјата 12 години, е фаворит на изборите, но сепак се очекува да освои помалку од една четвртина од сите гласови и ќе биде тешко да најде коалициски партнери за четврти мандат.
Нови фотографии испратени до бугарските медиуми на 9 ноември за кои се тврди дека го прикажуваат поранешниот бугарски премиер Бојко Борисов како спие во државна резиденција, со значителна сума евра во фиока покрај креветот, со пиштол на ноќната маса.
На една од фотографиите се гледа пиштолот оставен на масата, а до него е портокалов презерватив.
Фотографиите беа дистрибуирани само неколку дена пред предвремените општи избори кои се одржуваат утре, на 14. ноември. Партијата на Борисов ГЕРБ, која владее со земјата 12 години, е фаворит на изборите, но сепак се очекува да освои помалку од една четвртина од сите гласови и ќе биде тешко да најде коалициски партнери за четврти мандат.
Фотографиите се испратени од анонимен испраќач до ток-шоуто „Евро Дикоф“ со е-пошта во која се наведува дека потегот е предизвикан од неактивноста на обвинителството откако беше објавен првиот сет фотографии во гангстерски стил во јуни 2020 година, кога Борисов уште беше на чело на државата, пренесува Интелињуз.
Обвинителството ги проверува новите фотографии.
Се верува дека новите фотографии се направени во исто време кога биле сликани и првите, објавени минатата година.
Бугарскиот сајт Dir.bg наведува дека настанала аферата „Мата Хари“ и дека се трага по мистериозна жена за која се верува дека ги фотографирала собата и премиерот, најверојатно откако имале сексуален однос.
Во јуни 2020 година, веб-страницата Афера ја објави првата серија фотографии од спалната соба. На фотографиите се гледаа златни плочки и снопови евра во истата просторија во резиденцијата на тогашниот премиер.
Во тоа време, локалните медиуми добија анонимни фотографии од Борисов како спие во својата спална соба покрај пиштол Глок калибар 9 милиметри и фиока полна со банкноти од 500 евра и златни плочки. Поранешниот премиер ја потврди нивната автентичност, велејќи дека фотографиите се направени во резиденцијата што ја користел како премиер.
Оттогаш, привремената влада на Бугарија започна бројни истраги за корупција во поранешната администрација на Борисов. Привремената влада иницираше обемна реконструкција на државната администрација и институциите, но тоа ја доведе во отворен судир со обвинителството на чело со Иван Гешев, кој беше именуван по контроверзна постапка додека партијата ГЕРБ беше на власт.
