Во 20,00 чaсот тимот на Горската служба за спасување, и тимот за спасување во планини на ДЗС ги пронајдоа изгубените лица. Истите се во добра здравствена состојба, информира вечерва ЦУК на својата ФБ страница.
Претходно неколку часа траела потрагата која била отежната поради исклучените телефони на двете изгубени лица.
Но, без разлика на неможноста за контакт и комуникација со изгубените лица повеќе од 30 минути, службите биле активни во потрагата на теренот, информира Центарот за Управување со кризи на неговата Фејсбук страница.
Губењето се случило во попладневните часови, станува збор за две лица изгубени во близина на Неолица (најблизок рид до Битола од планината Баба-Пелистер). Лицата телефонски пријавиле во СВР Битола дека се дезориентирани во просторот и залутале далеку од пешачката патека.