Метео: Времето утре сончево, но студено и ветровито, со температури до 12 степени

Времето во земјава утре ќе биде сончево, студено и ветровито. Претежно во северните делови ќе има мала до умерена облачност. Минималната температура ќе биде во интервал од -7 до 3 степени, а максималната ќе достигне од 5 до 12 степени.

Во Скопје ќе биде сончево со мала до умерена облачност и со слаб до умерен ветар од северен правец. Минималната температура ќе се спушти до -6 степени, а максималната ќе достигне 9 степени.

Од УХМР најавуваат дека до понеделник ќе се задржи стабилно и суво време со слаб до умерен ветар од северен правец.

Во недела и понеделник ќе има услови за појава на утринска магла по одделни котлини, а во вторник се очекуваат локални врнежи од снег, само понекаде на пониските места повремено од дожд.