Претседателот на Регулаторната комисија за енергетика Марко Бислимоски , во гостување на Утрински Брифинг ја информира јавноста дека ниту еден неиспорачан киловат час топлинска енергија нема да им се наплати на граѓаните.
– Во однос на неиспорачана топлинска енергија, ниту еден киловат час од оваа неиспорачана топлинска енергија нема да им биде фактуриран на потрошувачите кога ќе се прави порамнување во мај. Ние како Регулаторна комисија добивме многу поплаки од незадоволни корисници на парно греење и голем број беа надминати. Ситуацијата сега е далеку подобрена, но не може да се очекува дека ќе се обезбеди температура од 24-25 степени како што имаше во минатото, вели Бислимоски.
Бислимовски зборуваше и за ситуацијата со БЕГ, и дека темата за враќање на дозволата за работа ќе се разгледа подоцна откако ќе се анализира целата состојба.
-Снабдувањето со топлинска енергија е монопол направен со приватизирање на Топлификација во 1999 година. Оттогаш има само проблеми. БЕГ ја презеде во 2013 година и компанијата има три лиценци. За овие лиценци Обвинителството води истрага против членовите на претходниот состав на Комисијата, изјави за Утрински Брифинг , претседателот на РКЕ Марко Бислимовски.