Кај граѓаните има голем интерес за користење на ноќните линии на автобусите на Јавното сообраќајно претпријатие „Скопје“ кои од пред околу еден месец повторно се во функција, информира Град Скопје.
Во соопштението се наведува дека воведувањето ноќни линии се дел од промените за подобар јавен градски превоз, што е дел од програмата на раководството на ЈСП и на Градот Скопје.
– Градоначалничката Арсовска вети дека тоа ќе го исполни во првите 82 дена од нејзиниот мандат. Со реализацијата на овој проект за скопјани се обезбедува јавен превоз и за време на ноќните часови, што беше укинато како опција од минатото раководството на Градот пред две години, наведува Град Скопје.
Станува збор за девет автобуски линии кои сообраќаат по делничен возен ред – со броеви: 2, 5, 7, 22, 24, 41, 50, 57 и 65В, а за време на викендите и на државни празници сообраќаат 11 ноќни линии – со броеви: 2, 5, 7, 22, 24, 41, 50, 57, 61, 63 и 65В.
Детали за возниот ред и трасите на ноќните линии се достапни на веб-страницата на ЈСП „Скопје“