Внимателно ја следиме состојбата во Украина, нормално е да постои ризик меѓутоа имаме многу мал, незначителен сегмент на соработка така што од тој аспект ризиците се минимални односно незначителни, оцени денеска директорот на Дирекцијата за ТИРЗ Јован Деспотовски.
-Очекувам дека ризиците ќе имаат свои негативни последици, меѓутоа повторно на крајот на годината ќе имаме раст не само на извозот, туку и на бројот на работни места и на платите заради фактот што дел од новите капацитети коишто почнаа со градба минатата година ќе почнат со производство оваа година. Тоа ќе придонесе да се намалат дел од овие ризици за негативните последици за кои немаме големо влијание, рече Деспотовски во одговор на новинарско прашање пред почетокот на на панелот на тема „Иницијатива за изработка на нова Методологија за државна поддршка за поттикнување на инвестиции“.
И минатата година имавме доста ризици, додаде Деспотовски, но сепак обемот на производство во ТИРЗ се зголеми, успеавме да одржиме стабилен број на работни места, платите продолжија да растат, се преземаа одреден сет на дополнителни мерки за поддршка на самите компании.