Од нуклеарката што ја нападна Русија не истекол радиоактивен материјал

Реакторите во нуклеарната централа Запорожје во Украина се безбедни и покрај тоа што се на удар на руските сили, изјави шефот на Меѓународната агенција за атомска енергија.

Пожарот во објектот предизвика стравувања од потенцијална несреќа, но Агенцијата соопшти дека не е испуштен радиоактивен материјал.

Централата е опколена од руските сили.

„Ние сме среќни што немаше ослободување на радиоактивен материјал и интегритетот на реакторите не беше загрозен“, рече Рафаел Маријано Гроси на прес-конференција во Виена.

Сепак, операторот и регулаторот на централата ѝ кажал на Меѓународната агенција за атомска енергија дека ситуацијата на теренот е „исклучително напната и предизвикувачка“, предупреди тој.