Published: Tuesday, March 29, 2022 18:25
Националната организација за јавно здравје на Грција денеска соопшти за 28.933 нови случаи на Ковид-19.
Тоа е највисок број на новозаразени на дневно ниво во изминатите речиси 80 дена, јави дописничката на МИА од Атина.
За разлика од вчерашните 27.490 случаи од 113.940 направени тестови, денеска имало речиси четири пати повеќе тестирања, односно новозаразените се од 434.502 тестови.
Во изминатите 24 часа починале 49 лица, а 351 пациент (девет повеќе од вчера) бил приклучен на одделите за интензивна нега во грчките болници.
Од почетокот на пандемијата во земјата се потврдени 2.986.880 случаи на Ковид-19 и починаа вкупно 27.392 лица.
(Извор: МИА)