Полицијата во Њујорк потврди дека истражуваат престрелка во близина на станица на подземната железница во Бруклин во која се повредени најмалку 13 лица.
Според портпаролот на противпожарната служба во Њујорк, нивните припадници реагирале по повикот за помош кој пристигнал во 8 и 30 наутро , бидејќи од станицата на метрото излегувал чад.
Откако пристигнале на местото на настанот, пожарникарите нашле жртви ранети со истрели од огнено оружје и неексплодирани средства. Останува нејасно какви точно средства биле пронајдени а пристигнале и специјално обучени безбедносни сили кои треба да извршат проценка за евентуална опасност по животот на луѓето.
Повикувајќи се на неидентификуван извор од полицијата, Њујорк Тајмс информираше дека полицијата трага по маж кој носел гас маска и портокалова јакна.
Од кабинетот на градоначалникот на Њујорк, Ерик Адамс, испратија апел до жителите на градот заради своја безбедност да не се доближуваат до местото каде е регистриран инцидентот. Медиумите јавуваат дека крај станицата на подземната железница се уште им се помага на дел од повредените во престрелката.
⚠️🇺🇸#URGENT: Several people shot and multiple explosives found at New York City subway station#Brooklyn l #NY
Police confirm explosive devices are present at the 36th Street station. Several people are down. Trains are being halted.
More information as it becomes available! pic.twitter.com/9HFIY2SSOP— Intel Point ALERT (@IntelPointAlert) April 12, 2022