Истражување на Меѓународниот институт за социологија покажа дека 82 отсто од Украинците сметаат дека нивната земја под никакви околности не треба да отстапи дел од својата територија при мировен договор со Русија.
Истражувачите од Меѓународниот институт за социологија во Киев разговараа со 2.000 возрасни граѓани на Украина помеѓу 13 и 18 мај. Тие откриле дека 82 отсто од испитаниците рекле дека не поддржуваат територијални отстапки. Само 10 отсто верувале дека некои територии може да бидат напуштени за да се постигне мир и да се зачува независноста.
Според анкетата, 77 отсто од Украинците кои живеат на територијата окупирана од Русија се спротивставиле на какви било отстапки за земјиштето.
На истокот од земјата каде во моментов се водат најинтензивните борби со руските сили, само 19 отсто од испитаниците изјавиле дека се подготвени да направат територијални отстапки, додека 68 отсто рекле дека се против.
На југот на Украина, 83 отсто од испитаниците рекле дека се против какви било територијални отстапки, а 9 отсто сметаат дека е прифатливо Украина да отстапи територија за да постигне мир. (Гардијан)