Британскиот премиер Борис Џонсон штотуку ја заврши својата изјава во која даде оставка на лидерската функција на Конзервативната партија, а на премиерската ќе остане додека му биде избран наследник во партијата.
Еве резиме на клучните поенти од неговиот збогувачки говор:
Џонсон рече дека е „јасна волјата на парламентарната партија“ да има нов премиер.
Временската рамка за избор на нов премиер ќе биде објавена следната недела.
Тој рече дека чекал толку долго за да ја донесе одлуката бидејќи сакал лично да го исполни мандатот на гласачите, велејќи дека чувствува дека е негова должност и обврска да го направи она што го ветил.
Тој рече дека е неизмерно горд на своите достигнувања, вклучително и завршувањето на Брегзит, справувањето на Обединетото Кралство со пандемијата и со водството на Западот да се спротивстави на инвазијата на Владимир Путин на Украина.
Тој рече дека Обединетото Кралство мора да продолжи напред и дека тоа ќе ја направи земјата најпросперитетна во Европа.
Џонсон рече дека се обидел да ги убеди колегите дека би било „ексцентрично“ да се смени владата кога имаме таков мандат, но жали што не бил успешен во тие аргументи.
Тој рече дека „во Вестминстер инстинктот на стадото е моќен, кога стадото се движи, се движи“.
Тој рече дека сака да ѝ даде до знаење на јавноста „колку му е тажно што се откажал од најдобрата работа на светот“.
Тој се заблагодари на својата сопруга Кери, на неговите деца, на здравствените работници, на Вооружените сили и на персоналот на Даунинг стрит. (Р.Н.)