Првиот обид за лансирање на сателит од Велика Британија не успеа ноќеска нешто пред полноќ, кога компанијата за лансирање Virgin Orbit извести за „аномалија“ што ја спречи ракетата да стигне до орбитата.
Како што пренесува Јутарњи лист, мисијата Start Me Up полетала од пистата на аеродромот во Корнвол Њукеј со ракетата на Virgin’s LauncherOne, која била носена под крилото на модифицираниот Боинг 747 и подоцна пуштена над Атлантскиот Океан.
Но, непосредно пред полноќ, претставник на Virgin Orbit во живо објави дека ракетата претрпела „аномалија“ што ја спречила да стигне до орбитата.
„Изгледа дека имаме аномалија што не спречи да стигнеме до орбитата. Информациите се проценуваат“, соопшти Virgin Orbit.
Ракетата требаше да го запали моторот на височина од околу 10 илјади километри над Атлантикот и да однесе девет мали сателити од различни цивилни и одбранбени апликации во орбитата на Земјата.
Британската управа за цивилно воздухопловство (CAA) ја овласти Virgin Orbit, во сопственост на милијардерот Ричард Бренсон, да го изврши првото британско лансирање во вселената.
Околу 22 часот и 15 минути, стотици луѓе го следеа полетувањето на Боинг 747 со ракета во Њукеј, додека песната „Start Me Up“ на Ролинг Стоунс, по која беше именувана мисијата, се огласи од звучниците.
Тоа требаше да биде прв пат сателити да бидат лансирани од Европа.
Неуспехот задава дополнителен удар на европските вселенски амбиции откако италијанската ракета Вега-Ц мисија не успеа по полетувањето од Француска Гвајана кон крајот на декември.